اطلاع کے مطابق دونوں جنگی جہازوں کے پائلٹ حادثے سے قبل خود کو جہاز سے باہر نکال چکے تھے، تاہم ان میں سے ایک ہی زندہ بچ سکا۔
خیال رہے کہ دونوں پائلٹ ٹیکٹیکل ایئر فورس ونگ 73 کا حصہ تھے، جو جنرل ایئر ڈیفنس کے ماہر مانے جاتے تھے۔
حادثہ مقامی وقت کے مطابق دن میں دو بجے برلن سے شمال میں 75 کلومیٹر کے فاصلے پر واقع جھیل میوہٹز کے قریب پیش آیا۔
جرمنی کے وزیردفاع ارسولا وون دیر لین نے پائلٹ کی موت کے بعد تحقیقات کا اعلان کیا ہے۔
جائے وقوع کا دورہ کرنے کے بعد صحافیوں سے گفتگو کرتے ہوئے انہوں نے کہا کہ 'ہم جوان کی ہلاکت پر شدید افسوس کا اظہار کرتے ہیں، ہم اس کے اہل خانہ سے تعزیت کرتے ہیں'۔
واقعے کے عینی شاہدین نے حادثے کے بعد تباہ ہونے والے جہازوں کی ویڈیو بھی بنائی گئی جس میں جائے وقوع سے دھواں اٹھتے ہوئے دیکھا گیا۔
