جنوبی کوریا کے نیشنل الیکشن کمیشن کے مطابق تمام بیلٹ پیپرز کی گنتی ہو چکی ہے۔ Presidential Election of South Korea جنوبی کوریا کے صدارتی انتخابات 9 مارچ کو ہوئے جس میں 77.1 فیصد ووٹ ڈالے گئے۔
ملک میں 44 ملین ووٹرز ہیں جن میں سے 34 ملین ووٹروں نے اپنا حق رائے دہی استعمال کیا۔
یون نے 48.56 فیصد ووٹ حاصل کیے جبکہ ان کے اہم حریف جنوبی کوریا کی حکمران ڈیموکریٹک پارٹی کے امیدوار لی جائی میونگ کو 47.83 فیصد ووٹ ملے۔
دوسری جانب امریکی صدر جو بائیڈن نےجنوبی کوریا کے نومنتخب صدر سے بات کرکے انہیں مبارکباد دی ہے۔ وائٹ ہاؤس کے ایک بیان میں کہا گیا ہے کہ دونوں رہنماؤں نے امریکہ-جنوبی کوریا کے مضبوط اتحاد کی توثیق کی جو ہند-بحرالکاہل میں امن، سلامتی اور خوشحالی کے لیے ضروری ہے۔
بیان میں کہا گیا ہے کہ صدر بائیڈن نے جنوبی کوریا کے دفاع کے لیے امریکہ کے عزم پر زور دیا اور کہا کہ وہ اہم عالمی چیلنجوں بشمول موسمیاتی تبدیلی، کووڈ وبا اور سپلائی چینز پر تعاون کو مضبوط بنانے کے لیے مل کر کام کرنے کے منتظر ہیں۔
دونوں رہنماؤں نے شمالی کوریا کے جوہری اور میزائل پروگراموں سے لاحق خطرات سے نمٹنے کے لیے قریبی تال میل برقرار رکھنے کے عزم کا بھی اعادہ کیا۔
