شی جن پنگ اور کم جونگ کی مبارکباد

چین کے صدر شی جن پنگ اور شمالی کوریا کے سب سے اعلیٰ رہنما کم جونگ ان نے دونوں ممالک کے درمیان سفارتی تعلقات کی 70 ویں سالگرہ پر آج ایک دوسرے کو مبارک باد دی۔

خبر رساں ایجنسی ژنہوا کی رپورٹ کے مطابق' جن پنگ نے اپنے پیغام میں کہا کہ گزشتہ 70 برسوں میں چین اور شمالی کوریا کے درمیان روایتی دوستی وقت کی کسوٹی پر کھری اتری ہے۔ یہ دوستی بین الاقوامی منظر نامے میں تبدیلی کے دور میں بھی قائم رہی اور وقت کے ساتھ مضبوط ہوئی۔'

کوریا کے سب سے اعلیٰ رہنما کم جونگ نے مبارکباد دیتے ہوئے کہا کہ 'چین کے ساتھ شمالی کوریا اپنی روایتی دوستی کو پوری طرح نبھائے گا اور دونوں ممالک کے درمیان دوستانہ تعلقات کو مزید مضبوط بنائے گا۔'