اقوام متحدہ یوروپی یونین اور نیٹو نے افغان حکومت اور طالبان کے درمیان ہفتہ کے روز شروع ہوئے تاریخی امن مذاکرات کی حمایت کی ہے۔
اقوام متحدہ کے جنرل سکریٹری اینٹونیو گٹیرس نے بات چیت میں حصہ لے رہے شرکاء سے ویڈیو خطاب میں کہا کہ براہ کرم افغانستان کے امن مذاکرات اور ملک کی پائیدار ترقی کے عمل کی حمایت کرنے کے لیے اقوام متحدہ کی کوشش میں یقین رکھیں۔
یوروپین یونین کے امورخارجہ کے اعلیٰ نمائندے جوسیف بوریل نے کہا کہ یورپی یونین نے بھی مذاکرات کا خیرمقدم کیا ہے۔
انہوں نے اپنے خطاب میں کہا کہ یورپی یونین افغانستان حکومت اور طالبان کے مابین براہ راست مذاکرات کے آغاز کا خیرمقدم کرتا ہے۔یہ ایک تاریخی لمحہ ہے۔یہ ایک حقیقی امن عمل کے آغاز کو ظاہر کرتا ہے، جس سے افغانستان کے لوگوں کو امن مل سکے اور جس کا طویل وقت سے مطالبہ ہے۔
نیٹو کے جنرل سکریٹری جینس اسٹول ٹینبرگ نے کہا کہ اتحاد افغانوں کو امن تک پہنچانے کے ان کی کوششوں کی حمایت کرتا ہے اور انہوں نے دونوں فریق سے تشدد ختم کرنے کی درخواست کی ہے۔
قابل ذکر ہے کہ افغان حکومت اور طالبان نے قیدیوں کے تبادلے کے لیے عمل پورا کرنے کے بعد ہی ہفتہ کو بین افغان مذاکرات کا آغاز کیا ہے۔
