Ukraine Crisis: برطانیہ کا 5 روسی بینکوں اور تین ارب پتی شخصیات پر پابندیاں لگا نے کا اعلان

یوکرین کے حوالہ سے روس کی کارروائی پر برطانیہ نے 5 روسی بینکوں اور تین ارب پتی شخصیات پر پابندیاں لگا نے کا اعلان کیا ہے۔ برطانوی میڈیا کے مطابق جن افراد پر پابندی لگی ہے ان میں ارب پتی افراد میں گنیڈی تمشینکو، بورس روٹنبرگ اور ایگور روٹنبرگ شامل ہیں۔ UK issues sanctions on Russian banks

برطانوی میڈیا نے مزید بتایا کہ پابندی کی زد میں آنے والے افراد کے برطانیہ میں تمام اثاثے منجمد کر دیےجائیں گے جب کہ ان افراد پر برطانیہ آنے پر بھی پابندی لگا دی جائے گی۔ UK announces sanctions on Russian banks, wealthy individuals

تفصیلات کے مطابق روس کا مشرقی یوکرین کے روس نواز 2 علاقوں کی آزاد حیثیت تسلیم کرنے کے معاملہ پر برطانیہ نے پانچ روسی بنکوں اور تین شخصیات پر پابندیاں عائد کرنے کا اعلان کردیا۔

برطانوی وزیراعظم نے پانچ بینکوں کے علاوہ تین ارب پتی افراد پر بھی پابندیاں لگائی ہیں جس میں گنیڈی تمشینکو،بورس روٹنبرگ اورایگور روٹنبرگ شامل ہیں۔

بورس جانسن نے کہا ہے کہ تمام برطانوی شہریوں پر پابندی ہوگی کہ وہ ان افراد اور بینکوں سے کسی قسم کا لین دین نہ کریں،یہ پابندیاں پہلے مرحلے پر لگائی گئی ہیں اور مزید پابندیاں بھی لگائی جا سکتی ہیں۔

بورس جانسن نے مزید کہا کہ برطانیہ کی آخری لمحے تک بحران کا سفارتی حل نکالنے کی کوشش ہوگی۔

یو این آئی