معاہدے کے بعد یو اے ای نے اسرائیل کے بائیکاٹ کو ختم کردیا

یو اے ای اور اسرائیل کے مابین 13 اگست سنہ 2020 کو ایک امن معاہدہ ہوا تھا۔ اس کے بعد سے دونوں ممالک کے مابین ہر طرح کا بائیکاٹ ختم ہونے کو تھا۔ آخرکار وہ دن آ گیا۔

متحدہ عرب امارات کے صدر شیخ خلیفہ بن زید النہیان نے ایک فرمان جاری کرکے اسرائیل کے بائیکاٹ کو باقاعدہ طورپر ختم کردیا ہے۔

اس سلسلہ میں مسٹر نہیان نے ایک فرمان جاری کیا ہے جو دونوں ممالک کے مابین تجارت اور مالیاتی معاہدوں کو شروع کرنے کی اجازت دیتا ہے۔

امریکہ کے دباو پر یو اے ای اور اسرائیل کے مابین 13 اگست سنہ 2020 کو ایک امن معاہدہ ہوا تھا۔ اس معاہدہ کو ابراہم معاہدہ کے نام سے بھی جانا جاتا ہے۔

سنیچر کو یو اے ای کی سرکاری خبر رساں ایجنسی ڈبلیو اے ایم نے بتایا کہ اس فیصلے کا مقصد دو طرفہ تعلقات قائم کرنے کے لئے دوطرفہ تعاون کی حمایت کرنا ہے۔