کابل: مسجد میں بم دھماکہ

افغانستان کے دارالحکومت کابل میں واقع ایک مسجد میں بم دھماکہ ہونے سے دو افراد ہلاک ہو گئے جبکہ دیگر کئی افراد زخمی بھی ہوئے ہیں۔

افغانستان کے وزارت داخلہ کے ترجمان طارق آرین نے بتایا کہ یہ دھماکہ منگل کے روز مقامی وقت کے مطابق شام 7.25 بجے ہوا۔

اس وقت لوگ نماز کے لیے مسجد میں جمع ہوئے تھے۔

جس مسجد میں دھماکہ ہوا، وہ انتہائی محفوظ سفارتی علاقے میں واقع ہے اور اس کے نزدیک بہت سی بین الاقوامی تنظیموں کے دفاتر اور سفارت خانے موجود ہیں۔