امریکہ کے صدر ڈونلڈ ٹرمپ نے کہا ہے کہ وہ چین کے متنازع موبائل ایپ ٹک ٹاک پر جلد ہی پابندی عائد کرنے کا اعلان کرسکتے ہیں۔
امریکی حکام کے مطابق صدرٹرمپ ڈونلڈ ٹرمپ کی جانب سے سماجی رابطے کی ویڈیو شیئرنگ چینی ویب سائٹ ٹک ٹاک پر پابندی لگانے کا اعلان کیا جانے والا ہے۔
امریکی حکام کے مطابق چینی انٹلیجنس کے ذریعہ اس سروس کو استعمال کیا جا سکتا ہے۔
صدر ڈونلڈ ٹرمپ کا ٹک ٹاک سے متعلق کہنا ہے کہ سیکیورٹی خدشے کے پیش نظر ٹِک ٹاک پر امریکہ میں پابندی عائد کر نے جارہے ہیں۔
واضح رہے کہ اس سے قبل امریکی اسٹیٹ سکریٹری مائیک پومپیو کا کہنا تھا کہ ٹک ٹاک سمیت چینی سوشل میڈیا ایپس پر پابندی لگانے پر غور کررہے ہیں۔
امریکی اسٹیٹ سکریٹری مائیک پومپیو نے امریکی میڈیاکو انٹرویو میں کہا تھا کہ ٹک ٹاک سمیت چینی سوشل میڈیا ایپس پر پابندی زیر غور ہے۔
اس سے قبل امریکی حکام ٹک ٹاک کےصارفین کے ڈیٹا ہینڈلنگ سے متعلق تشویش کا اظہار بھی کرچکے ہیں۔
