امریکی صدر ڈونالڈ ٹرمپ نے عالمی صحت تنظیم (ڈبلیو ایچ او) کو وارننگ دی ہے کہ اگلے 30 دنوں میں اگر وہ کوئی بڑی اصلاح نہیں کرتا ہے تو اس کی فنڈنگ اور موخر کی جاسکتی ہے۔
مسٹر ٹرمپ نے ڈبلیو ایچ او کے سربراہ تردوس ادھانوم گربیسس کو لکھے خط کو اپنے ٹوئٹر اکاؤنٹ پر بھی اپلوڈ کیا ہے۔
انہوں نے ڈبلیو ایچ او کو کورونا وائرس (کووڈ۔19) کی وبا پر روک تھام کے سلسلے میں کارروائی میں ناکامی کے لئے جواب دہ قرار دیا اور کہا ہے کہ اگر ایسا ہی رہا توامریکہ تنظیم میں اپنی رکنیت کے سلسلے میں غور کرے گا۔
امریکی صدر نے کورونا وائرس (کووڈ۔19) پر ڈبلیو ایچ اوکی کارروائی کے جائزہ کے بعد گزشتہ اپریل میں ایجنسی کی فنڈنگ روک دی تھی۔
مسٹر ٹرمپ کی یہ وارننگ ایسے وقت میں آئی ہے جب امریکہ کو پوری دنیا میں کورونا سے سب سے زیادہ نقصان پہنچا ہے۔
امریکہ کی جان ہاپکنس یونیورسٹی کے سائنس اینڈ انجینئرنگ سینٹر (سی ایس ایس ای) کے اعدادوشمار کے مطابق امریکہ میں مجموعی طورسے اب تک 15,08,291 لوگ متاثر ہوئے ہیں جبکہ90,340 لوگوں کی موت ہوچکی ہے۔
