کرغستان کے ریسپانس سینٹر میں کورونا وائرس کے 10 نئے معاملوں کی تصدیق ہوئی، جن میں دو ڈاکٹر بھی شامل ہیں۔
اس کے ساتھ ہی ملک میں اس وائرس سے متاثرین کی تعداد بڑھ کر 280 ہو گئی ہے، جس میں 34 ڈاکٹر بھی شامل ہیں۔
کرغستان میں اب تک اس وائرس سے چار لوگوں کی موت ہو چکی ہے۔ اس کی وجہ سے ملک کے دارالحکومت بشکیک سمیت کچھ شہروں میں ایمرجنسی کا اعلان کیا جا چکا ہے۔
واضح رہے کہ دنیا میں کورونا وائرس کے مصدقہ متاثرین کی تعداد 15 لاکھ سے زیادہ ہو گئی ہے جبکہ ہلاکتوں کی مجموعی تعداد 89 ہزار سے بھی تجاوز کر چکی ہے۔
امریکہ میں متاثرین کی تعداد 4 لاکھ 32 ہزار، اسپین میں ایک لاکھ، 52 ہزار، اٹلی میں ایک لاکھ 39 ہزار اور جرمنی میں ایک لاکھ 13 ہزار سے زیادہ ہو گئے ہیں۔
