ویتنام نے آج سے دیسی طور پر تیار کی گئی کورونا وائرس ویکسین نَینو کووَیکس کے دوسرے مرحلے کے ٹیسٹ کا آغاز کر دیا ہے۔ وزارت صحت کے ذرائع نے یہ اطلاع دی۔
ذرائع کے مطابق، اس ویکسین کا ٹیسٹ فوجی میڈیکل یونیورسٹی میں کیا جا رہا ہے اور اس دوران 650 کارکنان کو ویکسین کے ڈوز دے کر اس کی حفاظت اور مؤثر ہونے اور دیگر غلط اثرات کے بارے میں معلومات اکٹھا کی جائیں گی۔
یونیورسٹی کے ڈائریکٹر ڈاکٹر کیوایٹ نے بتایا کہ اس ٹیسٹ میں ذیابیطس، ہائی بلڈ پریشر اور لیور کی بیماریوں والے مریضوں کو بھی شامل کیا گیا ہے اور ویکسین کا ٹیسٹ 65 برس اور اس سے زیادہ عمر کے مریضوں پر بھی کیا جائے گا۔
یہ بھی پڑھیں: دنیا بھر میں کورونا سے 25 لاکھ سے زائد ہلاکتیں
دوسرے مرحلے کے ٹیسٹ کا جائزہ مئی میں مکمل ہو جانے کے بعد تیسرے مرحلے کے ٹیسٹ کی شروعات مئی میں کی جائے گی اور اس میں 10 سے 15 ہزار افراد پر ویکسین کا تجربہ کیا جائے گا۔
ویتنام حکومت کا کہنا ہے کہ وہ رواں برس کے آخر تک ملک کی زیادہ تر آبادی کو کورونا وائرس کا ٹیکہ لگا دے گی اور اس میں ملک میں تیار ویکسین کے علاوہ امریکہ، برطانیہ اور روس کی ویکسین کا بھی استعمال کیا جائے گا۔
یو این آئی
