ایران کے سینئر کمانڈر قاسم سلیمانی کی آخری رسومات کے موقع پر بھگدڑ کے دوران 35 افراد کے ہلاک اور 48 کے زخمی ہونے کی اطلاع ہے۔ اس سلسلے میں مزید تفصیلات کا انتظار ہے۔
اس رپورٹ کے مطابق ، بھگدڑ انقلابی محافظ جنرل قاسم سلیمانی کے آبائی شہر کرمان میں اس وقت پیش آیا جب جلوس چل رہا تھا۔
آن لائن پوسٹ کی جانے والی ابتدائی ویڈیوز میں دکھایا گیا تھا کہ لوگ سڑک پر بے جان پڑے ہیں، دوسروں لوگ چیخ و پکار کرنے کے ساتھ ان کی مدد کرنے کی کوشش کر رہے ہیں۔
ایرانی سرکاری ٹی وی نے اپنی آن لائن رپورٹ میں ہلاکتوں کی اطلاع دی ہے، تاہم یہ جانکاری کہاں سے حاصل کی گئی ہے، اس کی اطلاع نہیں دی گئی ہے۔
اس سے قبل ایران کی ہنگامی طبی خدمات کے سربراہ پیر حسین کولیونڈ نے سرکاری ٹی وی سے ٹیلیفون پر بات چیت کر کے بھگدڑ کی تصدیق کی تھی۔
انہوں نے کہا کہ 'بدقسمتی سے بھگدڑ کے نتیجے میں ہمارے کچھ ہم وطن زخمی اور کچھ جنازے کے جلوسوں کے دوران ہلاک ہوئے ہیں۔
اس حادثے کے بعد سلیمانی کی تدفین ملتوی کر دی گئی ہے۔
