سری لنکا کی بحریہ نے 54 بھارتی ماہی گیروں کو ان کے علاقے میں مچھلی پکڑنے کے الزام میں گرفتار کیا ہے اور ان کی پانچ کشتیوں کو بھی ضبط کرلیا ہے۔
یہ معلومات جمعرات کو ایک سرکاری بیان میں دی گئی ہیں۔
بحریہ نے بدھ کے روز شمالی ساحل اور شمال مشرقی علاقوں سے ماہی گیروں کو گرفتار کیا ہے۔
سری لنکا کی بحریہ نے ایک بیان میں کہا ہے کہ غیر ملکی ماہی گیروں کے سری لنکا کے علاقے میں مچھلی پکڑنے سے مقامی ماہی گیروں پر اور سری لنکا کے ماہی وسائل پر پڑنے والے اثرات کے مدنظر بحریہ سری لنکا کے آبی علاقے میں غیر قانونی طور پر ماہی گیری کی سرگرمیوں پر نکیل کسنے کے لئے مسلسل گشت لگا رہی ہے۔
بحریہ نے جافنا کے کویلان کے ساحل سے تین سمندری میل پر بھارتی ماہی گیروں کی ایک بڑی کشتی کو پکڑا ہے، جس میں 14 افراد سوار تھے۔
بیان میں کہا گیا ہے کہ پیسالائی سے سات سمندری میل کے فاصلے پر مننار پر مزید دو کشتیاں پکڑی گئیں، جس میں 20 افراد سوار تھے۔
بحریہ نے کہا کہ ماضی میں بھی اس نے ایسے واقعات کے بارے میں بھارتی اتھارٹی کو آگاہ کیا ہے۔
