انڈونیشیا کے مغربی سوماترا صوبے میں سونے کی کان کنی کے مقام پر تودے گرنے سے سات افراد ہلاک ہوگئے، جبکہ نو افراد زخمی اور ایک شخص لاپتہ ہوگیا ہے۔
ڈیزاسٹر منیجمنٹ کے ترجمان رادتیہ جتی نے منگل کو یہ معلومات دی۔
سنہوا نیوز ایجنسی نے مقامی ڈیزاسٹر مینجمنٹ ایجنسی کے ایمرجنسی اینڈ لاجسٹک سیکشن کے سربراہ فکری کی رپورٹ کا حوالہ دیتے ہوئے کہا ہے کہ یہ واقعہ اتوار کی سہ پہر سے پیر تک ضلع سولوک سیلاتن میں شدید بارش کے بعد پیش آیا۔
جتی نے ایک بیان میں کہا کہ مقامی ریپڈ ایکشن ٹیم نے لاشوں کو برآمد کر لیا ہے اور زخمیوں کو علاج کے لئے کمیونٹی ہیلتھ سینٹر بھجوا دیا گیا ہے۔
انڈونیشیا کے ادارہ برائے موسمیات، آب و ہوا سائنس اور جیو فزکس نے انتباہ کیا ہے کہ سمترا، جاوا، کالی منتن، سولوویسی اور پاپوا کے اہم جزیروں سمیت متعدد صوبوں میں اگلے تین دن میں سیلاب آسکتا ہے۔
