عراق میں مظاہرین پر تشدد کے سلسلے میں سلامتی کونسل فکرمند

اقوام متحدہ سلامتی کونسل نے عراقی انتظامیہ سے حکومت کے خلاف پرامن طریقےسےاحتجاج کررہے مظاہرین کے خلاف تشدد پر تشویش کا اظہار کرتے ہوئے کہا کہ اسے الزامات کی جانچ کرنی چاہئے۔

سلامتی کونسل نے جمعہ کو ایک بیان میں کہا کہ پرامن طریقے سے مظاہرے کرنا لوگوں کا حق ہے۔

انہوں نے کہا کہ سلامتی کونسل نہتے مظاہرین کے قتل اور من مانے طریقےسے انہیں حراست میں لئے جانے کے لئے فکرمند ہے۔انہوں نے عراق حکومت سے کہا کہ اسے مظاہرے کے دوران ہوئے تشدد کی جانچ کرنی چاہئے۔

کونسل کے اراکین نے مظاہرین کے قتل اور اغوا میں مسلح گروپوں کی حصہ داری کے بارے میں بھی فکرمندی کا اظہار کیا اور حکومت زیادہ سے زیادہ صبروتحمل سے کام لینے کو کہا ہے۔