سعودی عرب نے وژن 2030 کے تحت تفریحی شعبے کی ترقی کے لیے جنرل انٹرٹینمنٹ اتھارٹی (جی ای اے) اور سوشل ڈیولپمنٹ بینک (ایس ڈی بی) کے درمیان معاہدہ طے پایا ہے۔
فریقین نے مفاہمتی یاداشت پر دستخط بھی کردیے ہیں جس کے تحت نرم شرائط پر 500 ملین ریال فراہم کیے جائیں گے جو تفریحی شعبے پر خرچ ہوں گے۔
میڈیا رپورٹ میں بتایا گیا ہے کہ مملکت میں تفریحی شعبے کی ترقی اور استحکام میں معاونت کے لیے یہ فنڈ معیاری مواقع فراہم کرے گا۔ جنرل انٹرٹینمنٹ اتھارٹی کے صدر دفتر ریاض میں سی ای او فیصل بافرط اور سوشل ڈیولپمنٹ بینک کے سی ای اوابراہیم بن حماد الراشد نے معاہدے پر دستخط کیے۔
یہ بھی پڑھیں:
فریقین اس شعبے میں اپنی اپنی معاونت فراہم کریں گے، معاہدے کے تحت 50 منصوبوں پر کام ہوگا۔ سعودی عرب میں سوشل ڈیولپمنٹ بینک کے مقاصد میں سعودی نوجوانوں کے لیے تفریحی شعبے میں مختلف منصوبے بنانا اور نوجوانوں کو اس شعبے کا اہل بنانا بھی ہیں۔
