فواد چودھری نے رویت ہلال کمیٹی کے عہدیداروں سے کہا ہے کہ وہ اس غلطی پر قوم سے معافی مانگ لیں۔
صحافیوں سے گفتگو کرتے ہوئے فواد چودھری نے کہا کہ اگر خالی آنکھ سے چاند دیکھنا ضروری ہے تو رویت ہلال کمیٹی سے بزرگوں کو نکال کر نوجوانوں کو بھرتی کیا جانا چاہیے۔
واضح رہے کہ پاکستانی وزیر فواد چودھری متنازع بیانات اور ٹویٹز کی لیے مشہور ہیں۔
انہوں نے کہا کہ 80 کی دہائی سے پاکستان نے بہت بڑی تعداد میں ایسے لوگ پیدا کیے ہیں جن کا عقل و شعور سے کوئی تعلق نہیں ہے، ان کے مطابق وہ لوگ ملک کو پسماندگی کی جانب لے جانا چاہتے ہیں اور ایک مرتبہ پھر انہوں نے عوام کے ساتھ غلط کیا ہے۔
پاکستان کی مرکزی رویت ہلال کمیٹی سنہ 1974 میں قائم کی گئی ہے اور اس کا بنیادی کام چاند کو دیکھ کر قمری مہینوں کی پہلی تاریخ کا تعین کرنا ہوتا ہے، یہ کمیٹی کئی بار تنازعات کا شکار رہی ہے۔
مفتی منیب الرحمان اس کمیٹی کے سربراہ ہیں، رمضان اور عید کی آمد کے وقت برصغیر میں اس کمیٹی کی طرف لوگ زیادہ رجوع کرتے ہیں۔
