ڈپٹی کمشنر دلشاد بیگم نے بتایا کہ ضلع راج باڑی سمیت دیگر کچھ علاقوں میں مختلف قسم کی دکانوں کو کھولنے کی اجازت دی گئی ہے۔
قوانین میں نرمی کئے جانے کے باوجو راج شاہی، سلہٹ، چاند پور اور پھینی کے علاوہ چٹوگرام اور ڈھاکہ میں بڑی تعداد میں تاجروں نے کورونا وائرس کے پھیلاؤ کو روکنے کے لئے عید الفطر تک اپنا کاروبار بند رکھنے کا فیصلہ کیا ہے۔
بنگلہ دیش دکان مالکان کی تنظیم (بی ایس او اے) کے مطابق کووڈ۔19 کی موجودہ صورت حال کو دیکھتے ہوئے دارالحکومت ڈھاکہ میں زیادہ تر شاپنگ مال بند ہی رہیں گے۔
بی ایس او اے کے صدر ہلال الدین نے کہا کہ گلستان، بنگ بازار اور میر پور علاقوں سمیت زیادہ تر شاپنگ مال اور مارکٹ بند ہی رہیں گی۔
انہوں نے بتایا کہ پرانے پلٹن میں عزیز سپر مارکٹ، شاہ باغ اور پلول مارکٹ بھی بند رہیں گی۔ عالمی وبا کورونا وائرس (کووڈ۔19) کے انفیکشن کو پھیلنے سے روکنے کے لئے بنگلہ دیش میں 26 مارچ سے ملک بھر میں لاک ڈاؤن لاگو ہے۔
سرکاری اعدادوشمار کے مطابق بنگلہ دیش میں کووڈ۔19 کے اب تک 13770 معاملات کی تصدیق ہو چکی ہے جبکہ 214 لوگوں کی اس وبا سے موت ہو چکی ہے۔
