اسرائیل کے صدر ریوین ریولن نے وزیراعظم مودی اور بھارت کے عوام کو ’یوم دوستی‘ کی مبارکباد دی۔ اس موقع پر بھارت کے ساتھ زبردست خیرسگالی کا اظہار کرتے ہوئے اسرائیل نے اپنے پیام میں بالی ووڈ فلم ’یارانہ‘ کے مشہور گیت کا حوالہ دیا۔
صدر اسرائیل نے ہندی اور انگریزی میں ٹوئٹ کرتے ہوئے مودی سے کہا کہ ’بھارت میں موجود ہمارے دوستوں کو ’یوم دوستی‘ مبارک ہو‘۔
انہوں نے مودی کے ساتھ اپنی ایک تصویر بھی شیئر کی جس کے جواب میں وزیراعظم نریندر مودی نے بھی ایک ٹوئٹ کرکے اسرائیلی صدر کا شکریہ ادا کیا اور کہا کہ آپ کو اور اسرائیل کے بہترین لوگوں کو ’فرینڈشپ ڈے‘ کی مبارکباد۔ انہوں دعا کی کہ مستقبل میں بھارت۔اسرائیل دوستی اور مضبوط ہو۔
