وزیراعظم نے اقوام متحدہ کی جنرل اسمبلی کے 74 ویں اجلاس سے خطاب کرتے ہوئے دنیا کی توجہ کو ترقی، سیکوریٹی، ماحولیات اور دہشت گردی کے خلاف جنگ پر مبذول کروایا۔
انہوں نے کہا کہ دہشت گردی صرف ایک ملک کا مسئلہ نہیں ہے بلکہ یہ ساری دنیا کےلیے ایک چیلنج ہے۔
مودی نے کہا کہ بھارت کی تہذیب جوڑنے اور سب کو گلے لگانا کا درس دیتی ہے۔ اس سلسلہ میں انہوں نے 3 ہزار سال قبل کیرلا کے ایک شاعر کا شعر پڑھ کر سنایا جس کے ذریعہ بھائی چارگی کو فروغ دیا گیا تھا۔
انہوں نے اس موقع پر سوامی وویکانند کے امن پر مبنی پیام کو بھی پیش کیا اور کہا کہ دنیا کی سب سے بڑی جمہوریت آج بھی اسی پیام کو لیکر آگے بڑھ رہی ہے۔
نریندر مودی نے کہا کہ ہم نے دنیا کو بدھا دیا ہے جبکہ دہشت گردی دنیا کے لیے آج سب سے بڑا خطرہ ہے۔
انہوں نے ’’نو مور سنگل یوز پلاسٹک‘‘ پر ملک بھر میں کئے جارہے اقدامات سے بھی ایوان کو واقف کروایا اور بہت جلد بھارت ٹی بی سے پاک کرنے کے اپنے عزم کا اظہار کیا۔
مودی نے اس موقع پر ’سب کا ساتھ سب کا وکاس اور سب کا وشواس‘ نعرے کو بھی دہرایا۔
