سُروں کی ملکہ لتا منگیشکر کی وفات کی خبر پھیلتے ہی ہر طرف سے تعزیت کا سلسلہ شروع ہوگیا۔ ہمسایہ ملک پاکستان سے لے کر امریکہ تک کئی ممالک نے لتا منگیشکر کو خراج عقیدت پیش Pakistan Pay Tributes to Lata Mangeshkar کیا۔
پاکستان کے وزیراعظم عمران خان نے ٹویٹ کرکے لتا منگیشکر کی وفات پر دکھ کا اظہار کرتے ہوئے لکھا کہ لتا منگیشکر کی وفات سے برصغیر صحیح معنوں میں دنیائے موسیقی کی عظیم آوازوں میں سے ایک سے محروم ہو گیا۔ ان کی آواز اور گانے دنیا بھر میں بے شمار لوگوں کی تفریحِ کا وسیلہ بنے۔
پاکستان کے وزیر اطلاعات و نشریات فواد چودھری نے گلوکارہ لتا منگیشکر کو خراج عقیدت پیش کیا ہے۔ ٹوئٹر پر جاری کیے گئے بیان میں فواد نے کہا ہے کہ لتا منگیشکر کا انتقال موسیقی کے ایک عہد کا خاتمہ ہے۔
فواد چودھری نے کہا ہے کہ لتا جی نے عشروں تک سُروں کی دنیا پر حکومت کی۔ ان کی آواز کا جادو رہتی دنیا تک برقرار رہے گا۔
وزیر نے یہ بھی کہا کہ جہاں جہاں اردو بولی اور سمجھی جاتی ہے وہاں وہاں لتا منگیشکر کو الوداع کہنے والوں کا ہجوم ہے۔
اس کے علاوہ پاکستان کرکٹ بورڈ کے چیئرمین رمیز راجہ نے بھی گلوکارہ لتا منگیشکر کی وفات پر غم کا اظہار کیا ہے۔
رمیز راجہ نے ٹوئٹر پر لکھا کہ ’لتا منگیشکر رحمدلی، عاجزی اور سادگی کی مظہر تھیں، اُن کی خوبصورت اور عظمت سے بھرپور شخصیت ہم سب کے لیے ایک سبق تھی۔
رمیز راجہ نے شدید دکھ کا اظہار کرتے ہوئے کہا کہ ’کشور کمار اور اب لتا جی کی موت نے مجھے موسیقی سے محروم کر دیا ہے۔‘
پاکستان کرکٹ ٹیم کے سابق کپتان وقار یونس نے کہا کہ "لتا منگیشکر جی کے انتقال کی خبر سے گہرا دکھ ہوا، لتا جیسی کوئی اور نہیں ہو سکتیں۔"
پاکستان کے موجودہ کپتان بابر اعظم نے کہاکہ "ایک سنہری دور کا خاتمہ، ان کی جادوئی آواز اور میراث پوری دنیا کے لاکھوں لوگوں کے دلوں میں زندہ رہے گی۔ ایک بے مثال آئیکون!"
پاکستان ویمن کرکٹ ٹیم کی سابق کپتان ثنا میر نے بھی کہاکہ "لتا منگیشکر کے اہل خانہ، دوستوں اور مداحوں کے لیے دل کی گہرائیوں سے تعزیت۔ ایک حقیقی لیجنڈ اور فنکار جن کا فن سرحدوں اور نسلوں سے ماوری ہے۔ عاجزی اور محبت کا مظہر ہے۔"
وہیں پاکستان پیپلز پارٹی (پی پی پی) کے چیئرمین بلاول بھٹو زرداری نے بھی گلوکارہ لتا منگیشکر کی وفات پر ایک بیان میں کہا ہے کہ نصف صدی سے زائد عرصہ اپنی آواز کا جادو جگا کر لتا منگیشکر نے کروڑوں انسانوں کو اپنے سنگیت کا گرویدہ بنایا۔
ان کا کہنا ہے کہ لتا منگیشکر برصغیر میں موسیقی کی ایک پہچان تھیں، فلمی صنعت کے لیے ان کی خدمات ناقابلِ فراموش ہیں۔
بلاول بھٹو زرداری نے مزید کہا کہ لتا منگیشکر کے گیت، ان کے نغمے اور سُر کبھی فراموش نہیں کیے جا سکیں گے۔
پاکستانی اداکار و گلوکار علی ظفر نے ٹویٹ کرتے ہوئے ایک ویڈیو سانگ بھی شیئر کیا ہے اور لکھا ہے کہ ’’الفاظ لتا منگیشکر جی جیسے لیجنڈ کی تعریف نہیں کر سکتے۔ صرف موسیقی ہی شاید ان کی لازوال عظمت کی سرگوشی کر سکتی ہے۔ خدا ان کی روح کو ابدی سکون میں رکھے۔
-
Words cannot define a legend like #LataMangeshkar Ji. Only music can perhaps whisper to her everlasting greatness.
— Ali Zafar (@AliZafarsays) February 6, 2022 " class="align-text-top noRightClick twitterSection" data="
Re-sharing a humble tribute. May God bless her soul in eternal peace. pic.twitter.com/pvivLC7IF3
">Words cannot define a legend like #LataMangeshkar Ji. Only music can perhaps whisper to her everlasting greatness.
— Ali Zafar (@AliZafarsays) February 6, 2022
Re-sharing a humble tribute. May God bless her soul in eternal peace. pic.twitter.com/pvivLC7IF3Words cannot define a legend like #LataMangeshkar Ji. Only music can perhaps whisper to her everlasting greatness.
— Ali Zafar (@AliZafarsays) February 6, 2022
Re-sharing a humble tribute. May God bless her soul in eternal peace. pic.twitter.com/pvivLC7IF3
وہیں پاکستانی مشہور و معروف اداکار عمران عباس نے بھی ٹویٹ کرکے لتا منگیشکر کو خراج عقیدت پیش کیا ہے، انھوں نے لکھا ہے کہ موسیقی کی دنیا کا سیاہ ترین دن، ہماری یادوں اور موسیقی میں اس کا تعاون یقیناً بے مثال ہے۔ آج ایک دور کے خاتمے کا نشان ہے۔ انھوں نے کئی دہائیوں تک ہمارے دلوں کو فتح کیا اور آنے والے برسوں میں ہمیشہ سروں کی ملکہ کے طور پر ان کی بادشاہت قاہمرہے گی۔
بھارت میں امریکی سفارت خانے نے ٹویٹر پر لکھا: "ہم لیجنڈری گلوکارہ لتا منگیشکر کو خراج عقیدت پیش کرنے میں بھارت کے ساتھ شامل ہیں، جو آج 92 سال کی عمر وفات پاگئیں ، تاریخ بھارت کی موسیقی میں ان کی شراکت کو سنہری الفاظ میں نشان زد کرے گی۔"
یہ بھی پڑھیں:
Lata Mangeshkar passes away: بے مثال اور جادوئی آواز ہمیشہ کے لئے خاموش
Lata Mangeshkar passes away: لتا منگیشکر کے انتقال پر مودی سمیت کئی رہنماؤں کا اظہار تعزیت
بھارت رتن لتا منگیشکر کی 92 برس کی عمر میں آج ممبئی میں انتقال ہوگیا ہے، گزشتہ روز ان کی حالت نازک ہو گئی تھی جس کے بعد انہیں ممبئی کے برج کینڈی ہسپتال میں وینٹی لیٹر پر منتقل کر دیا گیا تھا لیکن وہ جانبر نہ ہوسکیں۔
