میچ سے قبل پاکستان اور بھارت کی ٹیموں کا اولڈ ٹریفورڈ پہنچنے پر بارش نے استقبال کیا۔
مانچسٹر میں اس وقت موسم ابر آلود تھا لیکن وہاں کا ماحول شائقین کے جوش وخروش کی وجہ سے نہایت گرم ہے، کرکٹ کا بخار عروج پر ہے اور سر چڑھ کر بول رہا ہے۔
گراؤنڈ پر آنے والے شائقین کرکٹ کا کہنا ہے کہ آج اچھا میچ ہوگا اور پاکستان ہی جیتے گا۔
اس موقع پر گراؤنڈ پر آنے والے سابق چیئرمین پی سی بی ڈاکٹر نسیم اشرف نے اعلان کیا کہ وہ پاکستان ٹیم کو بھارت کے خلاف میچ میں جیت پر 20 ہزار ڈالرز انعام میں دیں گے۔
واضح رہے کہ سابق چیئرمین پی سی بی نے انگلینڈ کو ہرانے پر بھی قومی ٹیم کو 10 ہزار ڈالرز دیے تھے۔
