اسلام آباد میں شکرپڑیاں کے قریب چاند تارا کے جنگل میں پاک فضائیہ کا ایف سولہ طیارہ گر کر تباہ ہوا ہے۔
اطلاعات کے مطابق ونگ کمانڈر نعمان اکرم ہلاک ہوگئے۔
بتایا جارہا ہے کہ پاک فضائیہ کا ایف سولہ طیارہ پریڈ کی ریہرسل کررہا رتھا، اس دوران جنگلاتی علاقے میں گر کرتباہ ہوا ہے۔
ترجمان پاک فضائیہ کے مطابق حادثے میں ونگ کمانڈر نعمان اکرم ہلاک ہوئے ہیں جبکہ واقعہ کی وجوہات جاننے کے لئے ایئر ہیڈ کوارٹرز نے ایک اعلیٰ سطحی بورڈ تشکیل دے دی ہے۔
ریسکیو ٹیمیں جائے حادثے کے معائنے کے لیے روانہ کردی گئی ہیں، طیارہ آبادی سے دور جنگل میں گرا ہے جس کے سبب آگ نے شدت اختیار کرلی ہے۔
پولیس کا کہنا ہے کہ حادثے کی جگہ کو سیکیورٹی اداروں نے گھیرے میں لے لیا ہے۔
