ان دنوں پاکستان کے صوبے پنجاب کے ایک وزیر اور صحافی کی ویڈیو سوشل میڈیا پر کافی فائرل ہو رہی ہے، سوشل میڈیا پر وائرل ویڈیو میں صحافی نے وزیر کی پریس کانفرنس کے بائی کاٹ کا اعلان کرتے ہوئے اپنے مائیک کو ہٹا لیا اور اس کے بعد سبھی میڈیا نمائندوں نے اپنے مائیک ہٹا لئے اور وزیر کو بنا بیان دئے مایوس اپنی گاڑی تک جانا پڑا۔
دراصل یہ معاملہ پنجاب صوبے کے قصبہ جہلم کا ہے، جہاں پیر کے روز پنجاب کے وزیر برائے محصول ملک محمد انور کے دو گھنٹے تاخیر سے پہنچنے پر نامہ نگاروں نے پریس کانفرنس کا بائیکاٹ کیا اور اپنے مائیک کو پوڈیم سے ہٹا لیا۔
میڈیا کو انتظار کرانا پاکستان میں وزرا کے لئے عام بات ہے لیکن اس بار پنجاب کے وزیر کو یہ کام مہنگا پڑا اور سوشل میڈیا میں ویڈیو کے وائرل ہونے کے بعد وزیر کی کافی کرکری ہوئی ہے۔
اطلاعات کے مطابق جیسے ہی پنجاب کے وزیر برائے محصول اور دیگر عہدیداران پہنچے تو صحافی ریاض گوندل نے کہا کہ "جہلم میں بدعنوانی عروج پر ہے، تمام سرکاری اہلکار فلاح و بہبود کے نام پر عوام کو لوٹ رہے ہیں۔"
صحافی نے کہا کہ "اب چونکہ آپ وقت پر نہیں آئے اور ہم پچھلے دو گھنٹوں سے انتظار کر رہے ہیں، آپ نے ہماری توہین کی، لہذا ہم بائیکاٹ کررہے ہیں۔"
گوندل سمیت مختلف نیوز اداروں کے صحافیوں نے صوبے کے وزیر کے بولنے کے پہلے ہی اپنے مائیک کو پوڈیم سے ہٹا لیا۔
