اطلاعات کے مطابق اس بات کی تصدیق ہونے کے بعد کہ مذکورہ عہدیدار بھارتی ہائی کمیشن کے ہیں، انھیں رہا کردیا گیا اور بھارتی ہائی کمیشن کے ایک سینئر سفارتکار کے حوالے کردیا گیا۔
پاکستان کے دفتر خارجہ نے ' ہٹ اینڈ رن' واقعے میں بھارتی ہائی کمیشن کے عہدیداروں کی شمولیت اور فرضی کرنسی کے قبضے سے متعلق بھارتی وزارت خارجہ کے بیان کو واضح طور پر مسترد کردیا۔
پاکستان نے ہٹ اینڈ رن واقعے اور فرضی کرنسی کے قبضہ میں بھارتی ہائی کمیشن کے عہدیداروں کی شمولیت سے متعلق مرکزی وزارت خارجہ کی طرف سے لگائے گئے غیر ذمہ دارانہ بیان اور بے بنیاد الزامات پر اپنی ناراضگی ظاہر کی ہے۔
پاکستان نے کا دعوی کیا کہ اسلام آباد میں بھارتی ہائی کمیشن کے دو عہدیدار دیمو برہما اور سیلواداس پال ، تیزرفتار تھے اور پیر کو اپنی گاڑی راہ گیر شخص کو ٹکر مار دی۔ وہ شخص شدید زخمی ہوگیا اور اسے علاج کے لئے اسپتال میں داخل کیا گیا۔
اہلکاروں نے موقع سے بھاگنے کی کوشش کی۔ تاہم عین شاہدین نے انہیں فرار ہونے سے روکا اور پولیس کو اطلاع دی۔ پولیس موقع پر پہنچ گئی اور اہلکاروں کو پولیس اسٹیشن لے گئی۔
تحقیقات کے دوران، پاکستان نے دعوی کیا کہ مذکورہ عہدیداروں سے فرضی کرنسی بھی برآمد ہوئی ہے۔ اس بات کی تصدیق ہونے کے بعد کہ مذکورہ عہدیدار بھارتی ہائی کمیشن کے ہیں، انھیں رہا کردیا گیا اور بھارتی ہائی کمیشن کے ایک سینئر سفارتکار کے حوالے کردیا گیا۔
پاکستان کے دفتر خارجہ کے جاری کردہ بیان کے مطابق ' بھارتی وزارت خارجہ کی جانب سے لگائے گئے بے بنیاد الزامات پاکستان کو بدنام کرنے کی ایک اور کوشش ہے اور جموں و کشمیر میں بھارت کی ریاستی شدت پسندی سے توجہ ہٹانے کی اشد کوششوں کا ایک حصہ ہے۔
