سری لنکا میں دو ہزار سے زائد بھارتی سیاح پھنسے

کورونا وائرس کے باعث سری لنکا میں لاک ڈاؤن کے بعد دو ہزار سے زائد بھارتی شہری وہاں پھنسے ہوئے ہیں۔

کورونا وائرس کے باعث سری لنکا میں لاک ڈاؤن کے بعد دو ہزار سے زائد بھارتی شہری وہاں پھنسے ہوئے ہیں۔

حکومت کے ذریعہ جاری کردہ رپورٹ کے مطابق 16900 سیاحوں میں سے 2 ہزار سے زائد بھارتی ہیں جو لاک ڈاؤن کے باعث سری لنکا میں پھنس گئے ہیں۔

سری لنکا میں دو ہزار سے زائد ہندوستانی سیاح پھنسے

سری لنکا ٹورزم اینڈ ڈیولپمنٹ اتھارٹی کے اعداد و شمار کے مطابق سری لنکا میں پھنسے ہوئے سیاحوں میں بھارتی سب سے زیادہ 2،439 ہیں، اس کے بعد چینیوں کی تعداد 2،167 ہے۔

یہ اعدادوشمار سری لنکا کے اس بیان کے ایک دن بعد جاری کیا گیا ہے، جس میں کہا گیا تھا کہ کورونا وائرس وبا کی وجہ سے وہ کسی بھی ملک سے چارٹرڈ پروازوں کو یہاں اترنے اور سری لنکا میں پھنسے ان ممالک کے شہریوں کو باہر لے جانے کی اجازت دے گا۔

لاک ڈاؤن کے بعد سری لنکا میں سب سے زیادہ بھارتیہ سیاح پھنسے ہوئے ہیں۔

گذشتہ ہفتے سے سری لنکا نے آنے والی پروازوں کے لئے اپنے بین الاقوامی ہوائی اڈے بند کردیئے تھے اور کورونا وائرس کے خطرے کے پیش نظر لوگوں کو بیرونی سفر چھوڑنے کو کہا تھا۔

سری لنکا میں اب تک کوویڈ 19 میں تصدیق شدہ 104 واقعات ریکارڈ ہوئے ہیں جبکہ 200 سے زائد دیگر زیر مشاہدہ ہیں۔

سری لنکا میں پہلا کوویڈ 19 کا معاملہ ایک چینی خاتون سیاح کے طور پر دیکھا گیا تھا، جو رواں ماہ کے اوائل میں ٹھیک ہو کر واپس اپنے ملک لوٹ گئی تھی۔