شمالی کوریا کی جانب سے دارالحکومت پیانگ یانگ میں فوجی پریڈ میں طاقت کا مظاہرہ کیا گیا، جس میں کم جونگ ان نے کئی خامیوں کو تسلیم کیا اور ملک کو مزید طاقتور بنانے کے لیے عہد کیا۔
پریڈ کے دوران شمالی کوریا کے رہنما کِم جونگ ان سیاہ چمڑے کے کوٹ، دستانے اور کھال کی ٹوپی پہنے ہوئے مسکرا رہے تھے اور اپنے پاتھ لہرا رہے تھے۔
میڈیا رپورٹس کے مطابق دنیا کا سب سے طاقتور ہتھیار سب میرین لانچ کرنے والے بیلسٹک میزائل ایک کے بعد ایک چوک میں داخل ہوئے اور طاقتور انقلابی مسلح افواج اپنی طاقت کا مظاہرہ کر رہے تھے۔
سرکاری میڈیا کے ذریعہ جاری کردہ تصاویر سے معلوم ہوا ہے کہ ایس ایل بی ایم پر Pukguksong-5 کا لیبل لگا ہوا تھا، جس میں ممکنہ طور پر Pukguksong-4 پر اپ گریڈ ہونے کا نشان لگایا گیا تھا، جس کا اکتوبر میں ایک بڑی فوجی پریڈ میں نقاب کشائی کی گئی تھی۔
یہ بھی پڑھیں: پاکستان: مندر کی حفاظت میں لاپروائی برتنے پر 12 پولیس اہلکار معطل
کارنیگی انڈوومنٹ برائے بین الاقوامی امن کے جوہری پالیسی پروگرام میں ایک سینئر فیلو انکیت پانڈا نے کہا کہ پریڈ میں' ایک نیا ماضی قریب میں دیکھا ہوا مختصر فاصلہ طے کرنے والا بیلسٹک میزائل' بھی پیش کیا گیا تھا۔
پریڈ میں شمالی کوریا کے سب سے بڑے بین البراعظمی بیلسٹک میزائلوں (آئی سی بی ایم) کی نمائش نہیں کی گئی ہے، جن کے بارے میں خیال کیا جاتا ہے کہ وہ امریکہ میں کہیں بھی حملہ کرنے کی صلاحیت رکھتا ہے۔
کم جونگ ان کے تبصرے اور فوجی پریڈ کا مقصد امریکی حکومت پر دباؤ بنانا ظاہر ہو رہا ہے۔
خیال رہے کہ امریکہ کے نو منتخب صدر جو بائیڈن نے کم جونگ ان کو ایک 'ٹھگ' کہا تھا اور سبکدوش ہونے جارہے صدر ڈونلڈ ٹرمپ کے ساتھ ہونے والی ملاقاتوں کو تنقید کا نشانہ بنایا تھا جس نے معنی خیز پیشرفت نہیں کی۔
