نیپال میں دو مراحل میں اپریل اور مئی میں وسط مدتی انتخابات کرانے کا فیصلہ کیا گیا ہے۔ نیپال کے 40 اضلاع میں 30 اپریل کو بقیہ 37 اضلاع میں 10 مئی کو وسط مدتی انتخابات ہوں گے۔
کابینہ نے ایک ریلیز میں آج یہ اطلاع دی۔ وسط مدتی انتخابات کرائے جانے کا فیصلہ وزرا کونسل کی ایک میٹنگ میں کیا گیا ہے۔
ہمالین ٹائمس کی رپورٹ کے مطابق، کابینہ نے پہلے مرحلے میں پروونس-2، گنڈکی، لومبنی اور کارنل صوبوں کے 40 اضلاع میں 30 اپریل کو انتخاب کرانے کا فیصلہ کیا ہے۔ دوسرے مرحلے میں پروونس-1، بامتی اور سودور مغرب صوبوں 37 اضلاع میں 10 مئی کو انتخابات کرائے جائیں گے۔
یہ بھی پڑھیں: شمالی کوریا اور ایران کے درمیان میزائل پروگرام پر تعاون دوبارہ شروع: اقوام متحدہ
گذشتہ برس دسمبر میں وزیر اعظم کے پی شرما اولی کی سفارش پر صدر ودیا دیوی بھنڈاری نے پارلیمنٹ کو تحلیل کرنے کو منظوری دی تھی جس کے بعد وسط مدتی انتخابات کرانے کا فیصلہ کیا گیا ہے۔
پارلیمنٹ تحلیل کیے جانے کے بعد نیپال کمیونسٹ پارٹی (این سی پی) بھی دو گروہوں میں تقسیم ہوگئی ہے۔ ایک گروہ کی قیادت خود وزیر اعظم اولی اور دوسرے کی سابق وزیر اعظم پشپ کمل دہل اور مادھو کمار نیپال کر رہے ہیں۔
یو این آئی
