نواز شریف کی لندن کی سڑک کنارہ ہوٹل میں اپنے افراد خاندان کے ساتھ چائے پیتے ہوئے تصویر وائرل ہونے کے بعد سوشل میڈیا پر ردعمل کا سلسلہ جاری ہے، ان کے حمایت میں اور مخالفت میں ببانات جاری کئے جارہے ہیں۔
مسلم لیگ اور تحریک انصاف کے رہنماؤں کے درمیان وائرل تصویر کو لے کر لفظی جنگ چھڑ گئی ہے۔
پاکستان کے وفاقی وزیر برائے سائنس اینڈ ٹیکنالوجی فواد چوہدری نے نواز شریف پر تنقید کرتے ہوئے کہا کہ ’وائرل تصویر نظام انصاف، قانون اور عدالتی نظام کا منہ چڑا رہی ہے جس کے جواب میں نواز شریف کی صاحبزادی مریم نواز نے کہا ہے کہ مخالفین نے نواز شریف کو مارنے کی پوری کوشش کی مگر اللہ نے بچالیا۔ انہوں نے کہا کہ جس طرح نواز شریف کی ایک جھلک سے ان کے مخالفین کو تکلیف ہوئی ہیں وہیں دوسری جانب ان کے چاہنے والوں کو خوصی ہوئی ہے اور نیا حوصلہ ملا ہے۔
دوسری جانب پاکستان کے وزیراعظم عمران خان کے ترجمان شہباز گل نے بھی ٹوئٹر کرکے مسلم لیگ (نواز) کے رہنماؤں کو تنقید کا نشانہ بنایا۔
واضح رہے کہ وائرل تصویر میں پاکستان کے سابق وزیراعظم نواز شریف لندن میں اپنی بہو اور پوتی کے ہمراہ ایک ہوٹل میں چائے نوش کرتے ہوئے دیکھے جا سکتے ہیں۔
