میانمار: مختلف شہروں میں مظاہروں کا سلسلہ جاری

فروری میں فوجی تختہ پلٹ اور سیاسی رہنماؤں کی گرفتاری کے بعد سے میانمار کے مختلف شہروں میں جمہوریت کے حامیوں کی جانب سے مظاہروں کا سلسلہ جاری ہے۔ عالمی میڈیا سے ملنے والی اطلاعات کے مطابق شہر مندالے میں میڈیکل اسٹاف سمیت سینکڑوں افراد نے احتجاجی مارچ کیا اور جمہوریت کے حق میں نعرے لگائے۔

مونی وا نامی قصبہ میں مظاہرین پر پولیس نے آنسو گیس کی شیلنگ اور فائرنگ کی، جس کے نتیجے ایک شخص ہلاک ہوگیا۔

یکم فروری سے اب تک مرنے والے مظاہرین کی تعداد دو سو پچاس سے زیادہ ہوگئی۔

دریں اثنا تائیوان میں میانمار برادری نے احتجاجی ریلی کا انعقاد کیا اور میانمار میں ہلاک ہونے والے مظاہرین کی یاد میں پھول رکھے۔

یو این آئی