افغان صدر اشرف غنی نے خصوصی ویڈیو پیغام میں کہا کہ 'ہم نے اندرون و بیرون ملک وسیع مشاورت شروع کر دی ہے اور نتائج جلد عوام کے ساتھ شیئر کیے جائیں گے۔
انہوں نے کہا کہ 'ملک عدم استحکام سے دوچار ہے اور میری کوشش ہوگی کہ ملک کو مزید عدم استحکام، تشدد اور لوگوں کو بے گھر ہونے سے بچایا جائے۔
اشرف غنی نے مزید کہا کہ 'میں اس بات کی اجازت نہیں دوں گا کہ افغان شہریوں پر جنگ مسلط کی جائے جس سے ان کی جانیں تلف ہوں۔
انہوں نے کہا کہ '20 سال میں جو کچھ حاصل ہوا اسے گنوا دیا جائے، لوگوں کے املاک کو نقصان پہنچایا جائے اور مزید عدم استحکام بڑھے، میں اس کی اجازت نہیں دوں گا۔
افغان صدر کے استعفیٰ کی افواہوں کے برعکس انہوں نے اس ویڈیو پیغام میں ایسی کوئی بات نہیں کی لیکن اس پیغام کے دوران ان کے چہرے پر تناؤ دیکھا جاسکتا تھا۔
