تفصیلات کے مطابق پاکستان مسلم لیگ (ن) کی نائب صدر مریم نواز شریف 'ہم نیوز' نامی چینل پر صحافی ندیم ملک کو انٹرویو دی رہیں تھیں۔
مریم نواز کے انٹرویو کو چند منٹ چلانے کے بعد ہی آف ایئر کردیا گیا ، جبکہ صحافی ندیم ملک نے بھی انٹرویو نشر ہونے سے زبردستی روکے جانے کی تصدیق کی ہے ۔
ندیم ملک نے ٹوئٹر پر مریم نواز کا انٹرویو آف ایئر ہونے کی بات کی اور لکھا کہ 'میرے علم میں یہ بات آئی ہے کہ مریم نواز کا انٹرویو لائیو شروع ہونے کے چند منٹ بعد ہی زبردستی رکوادیا گیا۔'
انٹرویو کو روکے جانے کے بعد 'ہم نیوز' نے ٹویٹ کرکے کہا کہ 'ہم نیوز صحافت کی خودمختاری پر یقین رکھتے ہیں، لیکن ساتھ ہمیں ملک کے قانون اور آئین کے تحفظ کا بھی خیال رکھنا ہے۔'
مریم نواز کا انٹرویو صحافی ندیم ملک کے ٹوئٹراکاؤنٹ پر بھی موجود ہے۔
اس سے قبل پاکستان الیکٹرانک میڈیا ریگولیٹری اتھارٹی کے حکم پر پاکستان کی تین نیوز چینلز پر مریم نواز کے خطاب کو براہ راست نشر کرنے پر پابندی عائد کی گئی تھی۔
واضح رہے کہ رواں ماہ کی ایک تاریخ کو جیو نیوز پر سابق صدر آصف زرداری کا انٹرویو بھی نشر ہونے کے چند منٹ بعد ہی روک دیا گیا تھا۔
