دنیا بھر میں کورونا وائرس کا دائرہ وسیع تر ہوتا جا رہا ہے۔ فی الحال عالمی سطح پر کورونا متاثرین کی تعداد 25 لاکھ 57 ہزار 181 ہو گئی ہے۔ ان میں سے ایک لاکھ 77 ہزار 641 افراد ہلاک ہو چکے ہیں۔ اب تک متاثرین میں سے 6 لاکھ 90 ہزار 444 مکمل طور پر صحتیاب ہو چکے ہیں۔
جنوبی کوریا میں کورونا وائرس کے 11 نئے کیسز درج کیے گئے ہیں اور ایک ہلاکت کا معاملہ سامنے آیا ہے۔ اس طرح یہاں متاثرین کی تعداد 10 ہزار 694 اور 238 افراد ہلاک ہوئے ہیں۔
عالمی سطح پر سب سے زیاد کورونا متاثرین کی تعداد امریکہ میں ہے۔ یہاں کورونا سے متاثرین کی تعداد بڑھ کر 804194 پہنچ گئی ہے۔
امریکہ میں کورونا سے ہلاکتوں کی تعداد 40 ہزار سے زائد ہونے کے سبب امریکی صدر نے کہا ہے کہ وہ ایک ایگزیکٹیو آرڈر لائیں گے تاکہ عارضی طور پر امریکہ میں بیرون ممالک کے افراد کی آمد پر پابندی عائد کر دی جائے۔
روسی صدر ولادیمیر پتن نے بتایا کہ ملک میں کورونا وائرس کے نئے کیسز میں کمی آئی ہے، تاہم انہوں نے آگاہ کرتے ہوئے کہا کہ متاثرین کا عروج پر ہونا باقی ہے۔
خیال رہے کہ حکومتوں پر پابندیاں کم کرنے کے لئے دباؤ بڑھتا جارہا ہے تاکہ لاک ڈاون کے سبب پیدا ہونے والے معاشی پریشانیوں کو کم کیا جا سکے۔ جرمنی میں ، شراب کی فیکٹریز کو مستقل طور پر بند کرنے کا خطرہ ہے۔ امریکہ میں، کورونا وائرس کے سبب کوئلے کی صنعت میں تیزی سے کمی ہو رہی ہے۔
ان سب کے درمیان بعض مواقع پر کچھ راحت کی بھی خبریں ہیں۔ مثلا جنوبی کوریا میں اتوار کو محض 8 نئے معاملات درج کیے گئے ہیں۔ گذشتہ دو ماہ سے مسلسل بڑھتے معاملات میں یہ پہلا ایسا دن ہے جب یہ شمارہ ایک ڈزٹ میں رہ گیا ہے۔
واضح رہے کہ کورونا وائرس کا پھیلاو کسی متاثر شخص کے چھینکنے یا کھانسنے کے دوران نکلنے والے انتہائی باریک ذرات کے ذریعہ منتقل ہوتا ہے۔
