بھارت میں سیرم انسٹی ٹیوٹ کے چیف ایگزیکٹو آدار پونا والا کے مطابق، ان کا ادارہ برطانوی دوا ساز کمپنی آسٹرا زینیکا کی جانب سے سعودی عرب کو آئندہ ایک ہفتے کے دوران کورونا وائرس کی 30 لاکھ خوراک فراہم کرے گا۔
ویکسین کی ایک خوراک کی قیمت 5.25 ڈالر ہوگی۔
یہ بھی پڑھیں: جینٹ یلن امریکہ کی پہلی خاتون وزیر خزانہ مقرر
دنیا میں ویکسین تیار کرنے والے سب سے بڑے ادارے 'سیرم انسٹی ٹیوٹ آف انڈیا' نے آسٹرا زینیکا کمپنی، گیٹس فاؤنڈیشن اور گیوی ویکسین الائنس کے ساتھ شراکت داری قائم کی ہے۔ اس کے تحت غریب ممالک کو کورونا ویکسین کی ایک ارب خوراکیں فراہم کی جائیں گی۔
بھارتی ادارے کے چیف ایگزیکٹو کے مطابق، سعودی عرب کے لیے ویکسین کی خوراکیں سات سے دس روز کے اندر بھیج دی جائیں گی۔
