پاکستانی میڈیا ذرائع کے مطابق پاکستان کے وزیر اعظم عمران خان کا کہنا ہے کہ وہ ملیشیا دورے کے دوران بھارتی فضائی حدود کا استعمال نہیں کریں گے۔
پیر سے عمران خان کا ملیشیا کا دو روزہ دورہ ہے، جس میں وہ بھارتی فضائی حدود کا استعمال نہیں کریں گے۔
ذرائع کے مطابق کشمیر کی صورتحال کے تناظر میں یہ فیصلہ کیا گیا ہے۔ گذشتہ برس پلوامہ حادثے کے بعد سے ہی بھارت اور پاکستان کے تعلقات کشمیر معاملے پر کشیدہ ہیں۔
بھارتی حکومت کے دفعہ 370 کی منسوخی کے بعد دنوں ممالک مزید ایک دوسرے کے آمنے سامنے آ گئے۔
اس سے قبل پاکستان نے بھارت کے لیے اپنے فضائی حدود کو بند کر دیا تھا۔ ساتھ ہی پاکستان نے بھارتی وزیر اعظم نریندر مودی اور صدر جمہوریہ رام ناتھ کووند کے لیے پاکستانی فضائی حدود کو استعمال کرنے سے متعدد بار منع کیا ہے۔
