چین میں جان لیوا کورونا وائرس میں مبتلا ہونے والے لوگوں کی تعداد میں وقت کے ساتھ ساتھ اضافہ ہوتا جا رہا ہے اور کورونا وائرس متاثرین کی تعداد 60 ہزار سے بھی تجاوز کر گئی ہے جبکہ اس خطرناک وائرس سے اب تک 1380 افراد کی موت ہوگئی ہے۔
قومی طبی کمیشن نے پریس کانفرنس میں بتایا کہ 'کورونا وائرس کے لیے طبی اہلکاروں میں سے چھ طبی اہلکاروں کی موت ہوگئی ہے جو ملک میں اب تک ہوئی اموات کا0.4 فیصد ہے۔
قومی طبی کمیشن کے مطابق '13 فروری کی نصف شب تک 31 صوبوں سےموصولہ اطلاع کےمطابق 'کورونا وائرس کے 5548 نئے معاملات سامنے آئے ہیں اور متاثرین کی تعداد بڑھ کر 63 ہزار سے تجاوز کر گئی ہے جس میں سے 10204 لوگوں کی حالت تشویشناک بنی ہوئی ہے جبکہ 1389 لوگوں کی موت ہوئی ہے اور 6723 لوگوں کو ہسپتالوں سے چھٹی دے دی گئی ہے۔
واضح رہے کہ دسمبر 2019 میں چین کے شہر ووہان میں کورونا وائرس کا پہلا معاملہ سامنے آیا تھا، جس کے بعد سے اب تک یہ 25 سے زیادہ ملکوں میں یہ پھیل چکا ہے۔
عالمی ادارہ صحت (ڈبلیو ایچ او)کورونا وائرس کے پیش نظر عالمی صحت کے لیے ایمرجنسی کا اعلان پہلے ہی کر چکا ہے۔
