پاکستان میں موسلا دھار بارش سے 134 ہلاک

بارش سے شمال مغربی خیبر پختونخوا صوبہ سب سے زیادہ متاثر تھا، جہاں 48 لوگوں کی موت ہوئی ہے اور 42 دیگر زخمی ہوئے ہیں'۔

پاکستان کے الگ الگ علاقوں میں جون سے ہورہی موسلا دھار بارش سے مرنے والوں کی تعداد بڑھ کر 134 ہوگئی ہے۔

ملک کے قومی آفات انتظامیہ اتھارٹی (این ڈی ایم اے) نے ایک رپورٹ میں یہ اطلاع دی کہ جانی نقصان کے ساتھ ساتھ مالی نقصان بھی ہوا ہے۔

اتھاریٹی نے اپنی ویب سائٹ پر ہفتے کو 15 جون سے 29 اگست تک مرنے والوں کی تعداد شیئر کرتے ہوئے کہا کہ 'حکومت،فوج اور غیر سرکاری تنظیموں کے متعلقہ محکموں کے ذریعہ متاثر علاقوں میں بچاؤ اور راحت مہم چلائی جارہی ہے'۔

اتھاریٹی نے بتایا کہ 'شمال مغربی خیبر پختونخوا صوبہ سب سے زیادہ متاثر تھا، جہاں 48 لوگوں کی موت ہوئی ہے اور 42 دیگر زخمی ہوئے ہیں'۔

اس دوران ،سندھ کے وزیراعلی سید مراد علی شاہ نے جمعہ کو ایک پریس کانفرنس میں بتایا کہ 'صوبے میں بارش کی وجہ سے 80 لوگوں کی موت ہوگئی۔ جن میں سے 47 صوبے کے دارالحکومت کراچی میں مارے گئے'۔