اسرائیل کے وزیر دفاع بینی گینٹز نے پیر کے روز کہا کہ لبنان کے دارالحکومت بیروت میں گذشتہ ہفتے ہونے والے ہلاکت خیز دھماکے کو لبنان کے دیگر گنجان آبادی والے علاقوں میں بھی دہرایا جا سکتا ہے۔
انہوں نے لبنانی شیعہ تنظیم 'حزب اللہ' پر یہ الزام عائد کیا گیا ہے کہ وہ شہری علاقوں میں اپنے راکٹ اور اسلحے اسٹور کر رہا ہے۔
بینی گینٹز نے حزب اللہ کو بیروت دھماکے سے منسلک نہیں کیا ہے، لیکن ان کا دعویٰ ہے، کہ لبنان کے آس پاس دیہات اور قصبے ان کے اسلحے سے بھرے ہوئے ہیں۔ اگر اسرائیل انہیں تباہ کرنے پر مجبور ہوا تو عام شہریوں کو مشکلات کا سامنا کرنا پڑے گا۔
گینٹز کا یہ بھی کہنا ہے کہ 'اگر چہ حزب اللہ کے رہنما حسن نصراللہ شمال میں ہمارا سب سے بڑا دشمن ہے، اس کے باوجود بدقسمتی سے لبنان میں دھماکے کے دوران جو تباہی ہم نے دیکھی ہے، اسرائیل نے خلوص دل سے ہر طرح کے مدد کی پیش کش کی ہے'۔
