افغانستان کے دارالحکومت کابل کے پولیس ڈسٹرکٹ اول میں منگل کے روز ہونے والے ایک دھماکے میں چار شہری ہلاک اور پانچ زخمی ہوگئے۔
کابل پولیس کے ترجمان فردوس فرمان نے بتایا کہ دھماکہ مقامی وقت کے مطابق 2:50 بجے پی ڈی 1 کی میونڈ اسٹریٹ پر سر چوک کے علاقے میں ہوا۔
دھماکے کی تفصیلات کا پتہ نہیں چل سکا اور یہ بھی انکشاف نہیں کیا گیا کہ حملے کا نشانہ کون تھا۔
فردوس فرمان نے مزید تفصیلات بتانے سے انکار کرتے ہوئے کہا کہ واقعے کی تحقیقات کا آغاز کردیا گیا ہے۔
یہ بھی پڑھیں: طالبان کا افغانستان کے 85 فیصد علاقہ پر قبضہ کا دعویٰ
واضح رہے کہ افغانستان سے امریکی اور نیٹو فوج کے انخلا کے بعد طالبان نے بڑے پیمانے پر پرتشدد سرگرمیاں انجام دینا شروع کردیا ہے۔ تنظیم کا دعویٰ ہے کہ اس نے ملک کی 85 فیصد سے زیادہ اراضی پر قبضہ کرلیا ہے۔
