پاکستان کے سابق وزیر اعظم میر ظفر اللہ خان جمالی بدھ کے روز راولپنڈی کے ایک اسپتال میں انتقال کر گئے۔ وہ 76 سال کے تھے۔
میڈیا رپورٹس کے مطابق انہیں پچھلے کچھ دنوں سے اہم نگہداشت کے یونٹ (آئی سی یو) میں وینٹیلیٹر پر رکھا گیا تھا۔
- انتقال کی وجہ:
اطلاع کے مطابق انہیں دل کا دورہ پڑنے کے بعد راولپنڈی کے آرمی اسپتال منتقل کردیا گیا۔
واضح رہے کہ جمالی نومبر 2002 سے لے کر جون 2004 تک وزیر اعظم کے عہدے پر فائز رہے۔
- اہل خانہ سے اظہار تعزیت:
وزیر اعظم عمران خان نے جمالی کے اہل خانہ ظفر اللہ خان سے تعزیت کی۔
عمران خان نے ٹویٹ کیا 'میر ظفر اللہ خان جمالی کی رحلت کی اطلاع پا کر نہایت افسردہ ہوں۔ انا للہ وانا الیہ راجعون۔ میری تمام تر دعائیں اور ہمدردیاں انکے اہل خانہ کے ساتھ ہیں'۔
پاکستان کے وزیر دفاع پرویز خٹک نے بھی سابق وزیر اعظم کے انتقال پر غم کا اظہار کیا۔
- ڈاکٹر عارف علوی کے تاثرات:
صدر مملکت پاکستان ڈاکٹر عارف علوی نے بھی سابق وزیراعظم میر ظفراللہ خان جمالی کی وفات پر اظہار افسوس کیا ہے۔
صدر مملکت ڈاکٹر عارف علوی نے مرحوم سابق صدر کے اہل خانہ سے دلی ہمدردی اور اظہار افسوس کیا۔
انھوں نے کہا کہ 'بطور ممبر قومی اسمبلی وه ایک بااخلاق انسان کے طور پر جانے جاتے تھے'۔
پرویز خٹک نے ٹویٹ کیا 'سابق وزیر اعظم پاکستان میر ظفر اللہ خان جمالی کے غمزدہ انتقال پر میری دلی تعزیت پیش ہے'۔
مزید پڑھیں: حزب اختلاف پر پاکستان میں کورونا پھیلانے کا الزام
بتادیں کہ جمالی واحد منتخب بلوچ وزیر اعظم تھے اور انہوں نے جنرل پرویز مشرف کے فوجی دور میں خدمات انجام دیں۔ لیکن 2004 میں ان کے استعفے کے بعد ان کی جگہ شوکت عزیز نے لی۔
