افغان حکومت نے ملک میں امن بحالی کے لیے صدارتی انتخابات کرائے جانے پر زور دیا ہے۔
صدارتی پریس سروس نے ایک بیان جاری کرکے کہا ہے کہ افغان حکومت صدارتی انتخابات رواں ماہ 28 ستمبر کو کرانے کے اپنے ارادہ کا اظہار کیا ہے،
حکومت کا ماننا ہے کہ ووٹنگ کے ذریعہ ایک قانونی حکومت کی تشکیل ہوسکے اور امن بحالی میں آگے بڑھنے کا راستہ صاف ہوسکے
سرکاری ذرائع کے مطابق افغانستان میں طالبان کے حملوں کو امن بحالی کے راستے کی سب سے بڑی رکاوٹ بتایا جاتا ہے۔
افغانستان ہمیشہ اس بات پر زور دیتا رہا ہے کہ حقیقی امن تبھی ممکن ہے، جب طالبان بے قصور لوگوں کو قتل کرنا بند کرے۔ جنگ بندی کو تسلیم کرے اور حکومت کے ساتھ براہ راست بات چیت کرے۔
بیان میں امریکہ اور دیگر معاون ممالک کا افغانستان میں امن قائم کرنے کی کوششوں کے لیے شکریہ ادا کیا گیا اور اس ہدف کو حاصل کرنے کے لیے متحد ہوکر کام کرنےکے اپنے عزم کا اظہار کیا۔
