گلوان میں بھارت اور چین کے فوجیوں کے درمیان جھڑپ کے بعد دونوں ممالک کے تعلقات میں کشیدگی کے دوران بھارت کی فضائیہ کو مزید مستحکم کرنے کے لئے 29 جولائی کو جدید پانچ رافیل طیارے بھارتی فضائیہ میں شامل ہوجائیں گے۔
پانچ طیاروں کی پہلی کھیپ نے پیر کو اڑان بھری ہے اور 7000 کلومیٹر طویل سفر طے کرنے کے بعد یہ 29 جولائی کو بھارت میں ہریانہ کے انبالہ میں واقع ائربیس پہنچ جائیں گے۔
رافیل 10 گھنٹوں کی طویل مسافت کے بعد متحدہ عرب امارات میں واقع فرانس کے ائربیس الدفرا ائربیس پر اتریں گے۔ اگلے روز سبھی جہاز انبالہ کے لئے پرواز کریں گے۔
رافیل بھارتی فضائیہ کے 17 ویں اسکوارڈن گولڈن ایرو کا حصہ ہوگا جو رافیل جہاز کا پہلا اسکوارڈن ہوگا۔ بھارتی فضائیہ کے پائلٹ جنہوں نے رافیل کے پرواز کی تربیت حاصل کی ہے وہی پائلٹز جہاز اڑاکر بھارت لائیں گے۔ جہاز رسمی طور سے 29 جولائی کو بھارت فضائیہ میں شامل کیا جائے گا۔
فرانس سے بھارت 36 رافیل جیٹ فائٹر 36 ہزار کروڑ روپے میں خریدے گا۔ فرانس میں واقع سفارت خانہ نے آج اس کی جانکاری دی۔ بھارت کو پہلا رافیل اکتوبر سنہ 2019 میں حوالے کیا گیا تھا۔ اس موقع پر منعقد پروگرام میں بھارت کے وزیر دفاع راج ناتھ سنگھ نے شرکت کی تھی۔
