پاکستان کے ایک سابق سفارت کار کی 27 سالہ بیٹی کو یہاں تیز دھار ہتھیار سے حملہ کر کے ہلاک کر دیا گیا۔ جیو نیوز نے پولیس کے حوالے سے بتایا کہ متوفیہ کی شناخت نور مقدم کی حیثیت سے کی گئی ہے، جو جنوبی کوریا اور قزاقستان میں پاکستان کے سفیر کی حیثیت سے خدمات انجام دینے والے شوکت مقدم کی بیٹی تھی۔
پولیس نے بتایا کہ شہر میں ایف-7 علاقہ کے ایک گھر میں منگل کو نور کا قتل کیا گیا۔ پہلے کسی تیز دھار ہتھیار سے حملہ کرکے اس کا قتل کیا گیا اور بعد میں اس کا سر قلم کردیا گیا۔ اس کے قتل کے ملزم ظہیر ظفر کو گرفتار کر لیا گیا ہے۔ وہ اسلام آباد میں ایک بڑی تعمیراتی کمپنی کے چیف ایگزیکٹیو آفیسر کا بیٹا ہے۔ بتایا جارہا ہے کہ نور نے ظہیر کے ساتھ اپنا عشق ختم کرلیا تھا جس سے ناراض ہوکر اس نے نور کا قتل کردیا۔
پولیس نے بتایا کہ ملزم کے خلاف کیس درج کرلیا گیا ہے اور معاملے کی چھان بین کی جارہی ہے۔ کہا جاتا ہے کہ وہ منشیات کا عادی اور ذہنی مریض ہے۔ قتل میں ملوث ہونے کے الزام میں لڑکی کی سہیلی کو بھی گرفتار کیا گیا ہے۔
یہ بھی پڑھیں:Islamophobia: اسلامو فوبیا سے نمٹنے کے لیے امریکی حکومت سے خصوصی نمائندے کی تقرری کا مطالبہ
ترجمان دفتر خارجہ زاہد حفیظ چودھری نے واقعے کی مذمت کرتے ہوئے تعزیت کی۔ ترجمان نے ٹویٹر پر لکھا، "ایک سینیئر معاون اور پاکستان کے سابق سفیر کی بیٹی کے قتل سے شدید افسوس ہوا۔ سوگوار خاندان سے دلی تعزیت اور مجھے امید ہے کہ اس گھناؤ نے جرم کے مرتکب کو انصاف کے کٹہرے میں جلد کھڑا کیا جائے گا۔
یو این آئی
