گویانگ: چین کے جنوب مغربی صوبے گوئی زو میں ایک مسافر بردار جہازکے دریا میں الٹنے سے آٹھ افراد ہلاک اور سات دیگر لاپتہ ہو گئے۔
میڈیا رپورٹس کے مطابق یہ حادثہ ہفتے کی شام لیوپانشوئی شہر میں زانگکے ٹاؤن شپ کے قریب اس وقت پیش آیا، جب دریائے زانگکے میں مسافر بردار جہاز الٹ گیا۔ اس واقعے میں آٹھ افراد ہلاک ہوئے جبکہ سات دیگر لاپتہ بتائے جارہے ہیں۔
اتوار کی صبح تک 39 افراد کو بچایا گیا۔ افسران جہاز میں سوار مسافروں کی تعداد چیک کر رہے ہیں۔
یہ بھی پڑھیں: US Drone Strike: صرف افسوس کرنا اور معذرت کرنا کافی نہیں
ریسکیو آپریشن ابھی جاری ہے اور حادثے کی وجوہات کی تحقیقات کی جا رہی ہیں۔
(یو این آئی)
