بنگلہ دیش کے ضلع فرید پور میں الگ الگ سڑک حادثات میں 8 افراد ہلاک ہوگئے، پہلے واقعہ میں مدھوکھلی میں ایک ٹرک اور منی بس کے درمیان ہوئی ٹکر سے ایک خاتون سمیت 6 افراد ہلاک ہوگئے، وہیں بھانگر راؤنڈ آؤٹ فلائی اوور پر ایک موٹرسائیکل اور کار کی ٹکر سے دو افراد ہلاک ہوگئے۔
مدھوکھلی میں سڑک حادثات میں 10 مسافر زخمی بھی ہوئے ہیں، پولیس آفیسر محمد رسل مگورا نے اتوار کے روز بتایا کہ ڈھاکہ کھلنا شاہراہ پر تقریباََ صبح 9 بجے ٹرک اور منی بس کے درمیان تصادم ہوگئی، جس سے ایک خاتون سمیت 2 افراد موقع پر ہی ہلاک ہوگئے جبکہ 10 افراد زخمی ہوگئے۔
زخمیوں کو علاج کے لیے اسپتال میں داخل کیا گیا، جن میں سے چار افراد نے علاج کے دوران دم توڑ دیا، وہیں تقریباََ تین بجے کار اور موٹرسائیکل کے مابین ٹکر ہونے سے دو افراد ہلاک ہوگئے۔
مہلوکین کی شناخت بھانگر کے کنڈا گاؤں کے رہنے والے شکیل خان (20) اور ہوگلاڈنگی گاؤں سے تعلق رکھنے والے نعیم الرحمن کے طور پر ہوئی ہے۔
(یو این آئی)
