سری لنکا کی وزارت تعلیم نے پیر کو کہا کہ ملک میں پیپر کی کمی کی وجہ سے طے شدہ امتحانات کو منسوخ کرنے کے پہلے فیصلے کو تبدیل کر دیا گیا ہے اور اب ملک میں پیپرز کی کمی کے باوجود امتحانات مقررہ وقت پر ہی کرائے جائیں گے۔ Sri Lanka Financial Crisis
وزارت تعلیم کی جانب سے جاری بیان میں کہا گیا ہے کہ دارالحکومت سمیت ملک کے مغربی صوبے میں نویں، دسویں اور گیارہویں کے امتحانات 29 مارچ کو اپنے مقررہ وقت سے شروع ہوں گے۔
ملک میں زرمبادلہ کے ذخائر میں کمی کے باعث مارکیٹ میں پیپر اور پرنٹنگ کے آلات کی قلت ہے تاہم اس کے باوجود امتحانات وقت پر کرانے کا فیصلہ کیا گیا ہے۔
یہ بھی پڑھیں:
Sri Lanka Financial Crisis: سری لنکا نے کاغذ کی عدم دستیابی کے باعث اسکول کے امتحانات ملتوی کر دیے
Sri Lanka-India Finance Ministers To Meet: معاشی بحران سے متاثر سری لنکا کی بھارت نے مدد کی
Vegetable Price Hike in Sri Lanka: سری لنگا میں مہنگائی بے قابو، ہری مرچ 700 روپے کلو
زرمبادلہ کے ذخائر کی کمی کے باعث کئی اشیاء کی درآمدات رک گئی ہیں جس کے باعث مقامی مارکیٹ میں خام مال کی قلت پیدا ہوگئی ہے، ساتھ ہی جنوبی ایشیائی ملک کی 22 کروڑ کی آبادی کو بجلی کے بحران اور تیل کی قلت کا سامنا کرنا پڑ رہا ہے۔
صدر گوٹا بایا راجے پکشے نے گزشتہ ہفتے کہا تھا کہ ان کی حکومت نے ملک میں جاری بحران کو حل کرنے کے لیے بین الاقوامی مالیاتی فنڈ (آئی ایم ایف) اور سری لنکا کے دوست ممالک کے صلاح مشورہ کیا ہے۔
یو این آئی
