فلپائن میں وامکو طوفان سے ہلاکتوں کی تعداد 67 ہو گئی

ایشیائی ملک فلپائن میں آنے والے طوفان وامکو نے تباہی میں اضافہ کر دیا۔ اس طوفان سے یہاں ہلاکتوں کی تعداد میں مسلسل اضافہ ہو رہا ہے۔ نیشنل ڈیزاسٹر کنٹرول منیجمنٹ کونسل نے کہا کہ طوفان سے ہلاکتوں کی تعداد 67 ہو گئی۔

فلپائن میں وامکو طوفان کی وجہ سے مرنے والوں کی تعداد بڑھ کر 67 ہوگئی ہے۔ نیشنل ڈیزاسٹر کنٹرول منیجمنٹ کونسل نے اتوار کو یہ اطلاع دی۔

کونسل نے بتایا کہ وامکو طوفان کی وجہ سے تودہ گرنے اور سیلاب کے بعد سے بارہ لوگ ابھی بھی لاپتہ ہیں۔ وامکو 2020 میں فلپائن میں آیا 21 واں طوفان تھا۔

فلپائن کے شمالی صوبہ کاگیان اورایسابیل سیلاب متاثروں تک کھانے پینے کی اشیاء پہنچانے کے لئے راحت اور بچاؤ کام جاری ہے۔

صدر روڈریگو ڈوٹرٹے نے سیلاب سے متاثر علاقوں کا دورہ کیا۔ کاگیان صوبہ کے ڈیزاسٹر منیجمنٹ دفتر کے سربراہ نے بتایا ہے کہ سیلاب کا پانی کم ہورہا ہے۔

انہوں نےبتایا کہ سیلاب کا پانی بڑھنےسے پہلے کچھ رہائشیوں نے اپنے گھروں کو چھوڑنے سے انکار کردیا تھا۔ انہوں نے بتایا کہ یہ ہمارے لئے مسئلہ ہے۔ لوگ اپنے گھروں کو خالی کرنے سے انکار کردیتے ہیں اور اپنےگھروں کی چھتوں پر رہنے لگتے ہیں۔

انہوں نے بتایا کہ اب تک کم سے کم بارہ ہزار لوگوں کو محفوظ مقام تک پہنچایا گیا ہے۔