یمن کے جزیرہ سقطری میں گتی طوفان کی بڑے پیمانے پر تباہی

گتی طوفان نے صومالیہ میں بڑے پیمانے پر تباہی مچائی ہے اور فی الحال یمن کے زیر کنٹرول جزرہ سقطری میں تباہی مچا رہا ہے۔ دارالحکومت حادیبو میں بڑے پیمانے پر تباہی ریکارڈ کی گئی ہے۔

افریقی ملک صومالیہ میں تباہی مچانے کے بعد 'گتی' نامی طوفان یمن کے جزیرہ 'سقطری' پر پہنچ گیا ہے اور یہاں چاروں طرف پانی ہی پانی نظر آ رہا ہے۔ اس طوفان کی رفتار 185 کلومیٹر فی گھنٹہ ریکارڈ کی گئی ہے۔

سقطری کے دارالحکومت حادیبو میں طوفان کے سبب سیلاب آ گیا ہے، جس کی وجہ سے سڑکیں منقطع ہو چکی ہیں اور بڑے پیمانے پر مالی نقصان ہوا ہے۔

پیر کو یمن نیشنل سینٹر آف میٹرولوجی نے اعلان کیا کہ یہ طوفان سقطری سے ہوتے ہوئے مغربی صومالیہ اور خلیج عدن کے شمال مغربی علاقے کی طرف مسلسل بڑھ رہا ہے۔

یمن کی نیوز ایجنسی 'صبا' کی رپورٹ کے مطابق صومالیہ بندرگاہ کے نزدیک کشتی پلٹنے سے اتوار کو 7 یمنی باشندے ہلاک ہو گئے۔