وسطی افغانستان میں ہوئے دھماکے میں 15 افراد ہلاک

ایک طرف طالبان اور افغانستان کی حکومت کے مابین مصالحت کی کوششیں کی جا رہی ہیں، دوسری جانب آئے دن دھماکے اور حملے ہو رہے ہیں۔ ایسے میں یہ کوششیں متاثر ہو سکتی ہیں۔

افغانستان کے وسطی صوبے دیکندی میں ہوئے بم دھماکے میں کم از کم 15 افراد کے ہلاک ہونے کی خبر ہے۔

افغانستان کی وزارت داخلہ کے ترجمان طارق آرین نے اس حادثے کی اطلاع دی ہے۔

انہوں نے اپنے ٹوئٹ پیغام میں لکھا کہ دیکندی صوبے کے ضلع کرجان میں طالبانی عسکریت پسندوں کے ذریعہ زمینی بارود کو بچھایا گیا تھا، جس کے نتیجے میں دھماکہ ہوا اور 15 افراد ہلاک ہو گئے۔

انہوں نے مزید لکھا کہ اس حادثے میں بچے اور خواتین بھی ہلاک ہوئی ہیں۔