اتوار کے روز نیوزی لینڈ کے ہزاروں افراد نے آکلینڈ اور ویلنگٹن میں 'بلیک لائیوز میٹر' کے نعرے کے ساتھ احتجاجی ریلی نکالی۔
احتجاج کی شروعات آکلینڈ میں سینٹرل آوٹیا اسکوائر سے ہوئی اور امریکی قونصل خانے پر ختم ہوئی۔یہاں مظاہرین نے گھٹنے لگا کر گذشتہ ماہ پولیس کی حراست میں قتل کیے گئے جارج فلائیڈ کی یاد میں ایک منٹ کی خاموشی اختیار کی۔
دارالحکومت ویلنگٹن میں مظاہرین نے سوک اسکوائر سے پارلیمنٹ کے میدان تک مارچ کیا اور 'بلیک لائیوز میٹر' کا نعرہ لگایا۔ اس کے علاوہ 'نسل پرستی ایک وبائی بیماری ہے، آؤ ہم اس کا مقابلہ کریں' جیسے نعروں کے ساتھ پلے کارڈز اٹھا کر احتجاج کیا۔
احتجاج میں شامل ایک لڑکی کا کہنا ہے کہ 'یہ برسوں سے ہوتا آ رہا ہے اور آخر کار ہم اس کے بارے میں بات کرنے کے قابل ہو گئے اور ایسا محسوس ہو رہا ہے کہ ہم سیاہ فام کی مدد کے لئے کچھ کر رہے ہیں'۔
ملک کے وزیر انصاف اینڈریو لٹل نے پارلیمنٹ کے باہر بھیڑ سے خطاب کرتے ہوئے کہا کہ سیاست دانوں اور لوگوں کو ملک کی آدیواسی برادری ماوریوں کی ترقی کا مطالبہ کرنے کی ضرورت ہے۔
